السكوت ارحم
07-12-2003, 11:41
عزيزي السبيكه
قبل الشروع في قراءة هذا الموضوع البايخ ماعليك سوى الّرعص على زر ][ للخلف ][ وبعدها صك الجهاز ورح نم اصرف لك
عزيزي السطل
رغم انف الظروف السياسيه في الوقت الراهن 0000 ورغم ماحدث من قِـبل الزملاء قادة الدول الله يصلحهم لاعبين في حسبة شعوبهم 000000 ورغم الظروف الجويه الحاليه الساخنة البروده 0000 ورغم الالم ورغم انها خذت من اطباعك كثير وخانت البرواز اشوفها في خاطري حبيبتي مابيدي حيله لاصرتي الصوره وعيوني البرواز وشلون ابنسى ؟؟ <<=--- استطراد
حنا يالعزابيه ماهنا شي يضفنا ويفك المجتمعات من شرنا المحدق الا المقاهي والاستراحات والشقق 000 كنت انا ودحيّم صديقي المفضل محلياً وعاليماً وبيني وبينكم محد عطاني وجه غيره , جالسين بالشقه اخر الليل نتابع احد الافلام الماجنه والمخرج ذاك اليوم طولها شوي لين راحت علينا نومه !!
صحينا من النوم على نهيق العصافير انا سعابيلي واصلتن اذني من قوة التشقلب ودحيّم نايم على جريده !!
يوم صحى لقيت مطبوع على خده دعايه مكتوب عليها
(( الهند 00 سياحه بلا حدود ))
احترت معقول الهند تكون أول دوله تتشرف بوطأة قدمي عليها ؟
<< ياشين الثقه
قلت بيني وبين نفسي الهند دوله عريقه وحضاره قديمه وتعتبر قاره بحكم انها تجمع جميع اللغات والديانات وانا من النوع اللي احب استكشف واغامر
<<=-- لاتخلينا يامملوح بن بطوطه
رحت وقصيت تذاكر للهند واشتريت آخر ماتوصلت اليه التكنلوجيا من كريمات الشعر مع اني شعري مايتحرك لو اطلع راسي من طياره (( فلافل ))
فرقت راسي فرقتين وصار يلمع واشتريت ملابس هنديه عشان مايدرون اني سعودي ويستغلوني لانهم على بالهم اي سعودي كاش ومايدرون ان مخباتي فيها سته ريال ونص (( كانت معي عشره واشتريت بريالين مشط وريال بيبسي ونص اشتريت فيها علوك ))
وانا اقص تذاكر دقيت على دحيّم البطه قلت تخاويني الهند ؟؟ قال قدّام وش ورانا
>> ياشين الفراغ
المهم انا درج وصديقي كمدينه يعني كلنا دلووخ متجمعه والله يعين الدوله الي بتضفنا ...... القطه كانت من 1000 ريال
<<=--- قايل لك حدّك الشرقيه
حنا نسمع انها دوله رخيصه قلنا بتكفينا الفلوس وعلى هالمبدأ سافرنا للهند ويوم طبينا مطار نيو دلهي حنيت لشوارع البطحاء وقلت هذا فرع البطحاء بالهند واشوف العالم تسولف وانا وخويي مبققين عيوننا وماندري وش السالفه .... يعني لا لغه ولا فلوس .... جلسنا نطالع بالحريمات (( جمع حرمه )) همّن ركبنا تكسي والحمد لله الهندي سواق التكسي اشتغل بالرياض سنتين وسوا فينا خير ودانا لفندق وقال انثبرو هنا لين تجي موعد رجعتكم وراح وتركنا .. طلعنا وريحنا شوي منع عناء السفر ...... قلت لخويي وش رايك نتجول في هالشوارع ونشوف الدنيا وبدينا نتمشى وصرنا كذا لمدة اسبوع نمشي وندربي روسنا وماندري وين الله حاطنا ......
مره كنا بالفندق نسولف انا ودحيّم وسألته كم بقا من القطه ياخوي نبي نرجع ملينا ..... خويي قال القطه باقي فيها خمسين ريال !!!! مار اخمّه ببياله على جبهته الفولاذيّه لاننا ماقصينا تذاكر عوده وتهاوشنا انا وياه وقمنا نلعن بعض ونلعن اليوم اللي فكرنا فيه نسافر برا لاننا توهقنا بديره مانعرف فيها احد , جلسنا ساعتين ساكتين ونفكر بالمستقبل المؤلم اللي يواجهنا ويوم شفنا الجلسه مابها فايده قلنا ننزل نتمشى لعل وعسى نشوف واحد سعودي او عربي يسلفنا ولا يشوف لنا حل
-=--=-=-=-=-=-=-=-(( حكمه ))-=-=-=-=-=-=-=-=-=-
التنغيف !!000 هو نوع من انواع التفكير الفردي ... وهو مفيد وقت الانتظار وخصوصاً عند اشارات المرور ... ومنه تأسس فـنّ التكوير ....
مع تحيات : الهيئه الوطنيه لحماية الحياة الفطريه
-=-=-=-=-=-=-=-=-=-=-=-=-=-=-=-=-=-=-=-=-=-=-
قمنا نمشي بالسوق وبعت انا ساعتي وتعشينا بقيمتها وبقا معنا الخمسين ريال ماغير نقلبها ونبوسها تقول واحد من عيالنا ......... وحنا نمشي لقينا شباب وبنات واقفين بوسط الشارع يرقصون ويضحكون وواضح انهم فالينها قلت وش رايك نروح ندخل بينهم نبسط روحنا شوي قال ياخوي صعبه مايعرفوننا قلت ياحبيبي خش بعيونهم يعني تبي تسوي مؤدب بالهند ؟
دخلنا بينهم الا كل واحد فيهم معه قارورة (( وسكي )) وجالسين يطيّشون الشراب ويرشون على بعض وعينك ماتشوف الا الضحك قلت لدحيّم وش رايك نشتري خمر ونجلس نطّيش على بعض مثلهم يمكن نستانس
0000 مع ان كل واحد فيهم مع صديقته وانا ابقابل دحيّم وارش عليه بس ميب مشكله اهم شي وساعة الصدر 0000
قال الفلوس ماتكفي !! قلت ياخوي اشتر اي شي اهم نسوي قدامهم اننا فاهمين ....... راح دحيّم واشترا بيبسي الله يفشله وجا عندي وعطاني قاروره وقمنا نطيّش على بعض ويرشني وارشه بالبيبسي وتغرقنا وقعدنا نرقص مع الهنود على بالنا فاهمين ومسوين من اهل الديره. :cool:
انتهت الحفله وتفرقو الناس وانا وخويي من تأثير البيبسي لزقنا بالارض وصرنا مانقدر نتحرك وصرنا تقول مجسمات :( !!
الشي الوحيد اللي اقدر اسويه اني افتح عيوني وصاير اعوذ بالله تقول معاق :eek: ....... يوم صار من بكرا الصبح لقيت العالم تطوف علي انا ودحيّم واللي يتبرك فيني واللي يمسح فيني واللي يحط على راسي فلوس !!...
صارت عندنا زحمة مرور اضطرت حكومة الهند انها تنظم حركة السير وصار فيه رسوم دخول وحطو علينا سور كبير وصارت الناس تتهافت علينا انا ودحيّم يجون من سبع الصبح لين اذان المغرب ويطوفون ويصيحون وحالتهم حاله (( اللهم لا اعتراض )) صار موقعنا كله فلوس منثره وانا ودحيّم واقفين مانقدر نسوي شي غير اننا نطالع وعيوننا على الدراهم وماندري وش نسوي لين مالله فرجها وامطرت ذاك اليوم وفك الله اسرنا وقدرنا نتحرك وضفينا فلوسنا وجمعنا حق تذاكر العوده للرياض واول خطوه سويتها يوم وصلنا الرياض اشتريت لدحيّم مخدّه عشان ماينام ثاني مره على جريده وينكبنا ~(~
.:: مايستفاد من القصه ::.
1/ لاعمرك تسافر مع واحد اسمه دحيّم 00 ولازم تخلي صديقك يجيب موافقه من وليّ أمره 0
2/ ايقنت ان البيبسي احسن مشروب بالعالم 0
3/ جميع الكلمات المكتوبه بالاحمر متعوب عليها يعني حاول تركّز وتتأمل في قدراتي على اختيار افضل المفردات وتقديمها لكم بكل يسر وسهوله 000 وبالهنا والشفا ~&~ 0
ب
ر
ب
قبل الشروع في قراءة هذا الموضوع البايخ ماعليك سوى الّرعص على زر ][ للخلف ][ وبعدها صك الجهاز ورح نم اصرف لك
عزيزي السطل
رغم انف الظروف السياسيه في الوقت الراهن 0000 ورغم ماحدث من قِـبل الزملاء قادة الدول الله يصلحهم لاعبين في حسبة شعوبهم 000000 ورغم الظروف الجويه الحاليه الساخنة البروده 0000 ورغم الالم ورغم انها خذت من اطباعك كثير وخانت البرواز اشوفها في خاطري حبيبتي مابيدي حيله لاصرتي الصوره وعيوني البرواز وشلون ابنسى ؟؟ <<=--- استطراد
حنا يالعزابيه ماهنا شي يضفنا ويفك المجتمعات من شرنا المحدق الا المقاهي والاستراحات والشقق 000 كنت انا ودحيّم صديقي المفضل محلياً وعاليماً وبيني وبينكم محد عطاني وجه غيره , جالسين بالشقه اخر الليل نتابع احد الافلام الماجنه والمخرج ذاك اليوم طولها شوي لين راحت علينا نومه !!
صحينا من النوم على نهيق العصافير انا سعابيلي واصلتن اذني من قوة التشقلب ودحيّم نايم على جريده !!
يوم صحى لقيت مطبوع على خده دعايه مكتوب عليها
(( الهند 00 سياحه بلا حدود ))
احترت معقول الهند تكون أول دوله تتشرف بوطأة قدمي عليها ؟
<< ياشين الثقه
قلت بيني وبين نفسي الهند دوله عريقه وحضاره قديمه وتعتبر قاره بحكم انها تجمع جميع اللغات والديانات وانا من النوع اللي احب استكشف واغامر
<<=-- لاتخلينا يامملوح بن بطوطه
رحت وقصيت تذاكر للهند واشتريت آخر ماتوصلت اليه التكنلوجيا من كريمات الشعر مع اني شعري مايتحرك لو اطلع راسي من طياره (( فلافل ))
فرقت راسي فرقتين وصار يلمع واشتريت ملابس هنديه عشان مايدرون اني سعودي ويستغلوني لانهم على بالهم اي سعودي كاش ومايدرون ان مخباتي فيها سته ريال ونص (( كانت معي عشره واشتريت بريالين مشط وريال بيبسي ونص اشتريت فيها علوك ))
وانا اقص تذاكر دقيت على دحيّم البطه قلت تخاويني الهند ؟؟ قال قدّام وش ورانا
>> ياشين الفراغ
المهم انا درج وصديقي كمدينه يعني كلنا دلووخ متجمعه والله يعين الدوله الي بتضفنا ...... القطه كانت من 1000 ريال
<<=--- قايل لك حدّك الشرقيه
حنا نسمع انها دوله رخيصه قلنا بتكفينا الفلوس وعلى هالمبدأ سافرنا للهند ويوم طبينا مطار نيو دلهي حنيت لشوارع البطحاء وقلت هذا فرع البطحاء بالهند واشوف العالم تسولف وانا وخويي مبققين عيوننا وماندري وش السالفه .... يعني لا لغه ولا فلوس .... جلسنا نطالع بالحريمات (( جمع حرمه )) همّن ركبنا تكسي والحمد لله الهندي سواق التكسي اشتغل بالرياض سنتين وسوا فينا خير ودانا لفندق وقال انثبرو هنا لين تجي موعد رجعتكم وراح وتركنا .. طلعنا وريحنا شوي منع عناء السفر ...... قلت لخويي وش رايك نتجول في هالشوارع ونشوف الدنيا وبدينا نتمشى وصرنا كذا لمدة اسبوع نمشي وندربي روسنا وماندري وين الله حاطنا ......
مره كنا بالفندق نسولف انا ودحيّم وسألته كم بقا من القطه ياخوي نبي نرجع ملينا ..... خويي قال القطه باقي فيها خمسين ريال !!!! مار اخمّه ببياله على جبهته الفولاذيّه لاننا ماقصينا تذاكر عوده وتهاوشنا انا وياه وقمنا نلعن بعض ونلعن اليوم اللي فكرنا فيه نسافر برا لاننا توهقنا بديره مانعرف فيها احد , جلسنا ساعتين ساكتين ونفكر بالمستقبل المؤلم اللي يواجهنا ويوم شفنا الجلسه مابها فايده قلنا ننزل نتمشى لعل وعسى نشوف واحد سعودي او عربي يسلفنا ولا يشوف لنا حل
-=--=-=-=-=-=-=-=-(( حكمه ))-=-=-=-=-=-=-=-=-=-
التنغيف !!000 هو نوع من انواع التفكير الفردي ... وهو مفيد وقت الانتظار وخصوصاً عند اشارات المرور ... ومنه تأسس فـنّ التكوير ....
مع تحيات : الهيئه الوطنيه لحماية الحياة الفطريه
-=-=-=-=-=-=-=-=-=-=-=-=-=-=-=-=-=-=-=-=-=-=-
قمنا نمشي بالسوق وبعت انا ساعتي وتعشينا بقيمتها وبقا معنا الخمسين ريال ماغير نقلبها ونبوسها تقول واحد من عيالنا ......... وحنا نمشي لقينا شباب وبنات واقفين بوسط الشارع يرقصون ويضحكون وواضح انهم فالينها قلت وش رايك نروح ندخل بينهم نبسط روحنا شوي قال ياخوي صعبه مايعرفوننا قلت ياحبيبي خش بعيونهم يعني تبي تسوي مؤدب بالهند ؟
دخلنا بينهم الا كل واحد فيهم معه قارورة (( وسكي )) وجالسين يطيّشون الشراب ويرشون على بعض وعينك ماتشوف الا الضحك قلت لدحيّم وش رايك نشتري خمر ونجلس نطّيش على بعض مثلهم يمكن نستانس
0000 مع ان كل واحد فيهم مع صديقته وانا ابقابل دحيّم وارش عليه بس ميب مشكله اهم شي وساعة الصدر 0000
قال الفلوس ماتكفي !! قلت ياخوي اشتر اي شي اهم نسوي قدامهم اننا فاهمين ....... راح دحيّم واشترا بيبسي الله يفشله وجا عندي وعطاني قاروره وقمنا نطيّش على بعض ويرشني وارشه بالبيبسي وتغرقنا وقعدنا نرقص مع الهنود على بالنا فاهمين ومسوين من اهل الديره. :cool:
انتهت الحفله وتفرقو الناس وانا وخويي من تأثير البيبسي لزقنا بالارض وصرنا مانقدر نتحرك وصرنا تقول مجسمات :( !!
الشي الوحيد اللي اقدر اسويه اني افتح عيوني وصاير اعوذ بالله تقول معاق :eek: ....... يوم صار من بكرا الصبح لقيت العالم تطوف علي انا ودحيّم واللي يتبرك فيني واللي يمسح فيني واللي يحط على راسي فلوس !!...
صارت عندنا زحمة مرور اضطرت حكومة الهند انها تنظم حركة السير وصار فيه رسوم دخول وحطو علينا سور كبير وصارت الناس تتهافت علينا انا ودحيّم يجون من سبع الصبح لين اذان المغرب ويطوفون ويصيحون وحالتهم حاله (( اللهم لا اعتراض )) صار موقعنا كله فلوس منثره وانا ودحيّم واقفين مانقدر نسوي شي غير اننا نطالع وعيوننا على الدراهم وماندري وش نسوي لين مالله فرجها وامطرت ذاك اليوم وفك الله اسرنا وقدرنا نتحرك وضفينا فلوسنا وجمعنا حق تذاكر العوده للرياض واول خطوه سويتها يوم وصلنا الرياض اشتريت لدحيّم مخدّه عشان ماينام ثاني مره على جريده وينكبنا ~(~
.:: مايستفاد من القصه ::.
1/ لاعمرك تسافر مع واحد اسمه دحيّم 00 ولازم تخلي صديقك يجيب موافقه من وليّ أمره 0
2/ ايقنت ان البيبسي احسن مشروب بالعالم 0
3/ جميع الكلمات المكتوبه بالاحمر متعوب عليها يعني حاول تركّز وتتأمل في قدراتي على اختيار افضل المفردات وتقديمها لكم بكل يسر وسهوله 000 وبالهنا والشفا ~&~ 0
ب
ر
ب