هماليل
17-11-2003, 03:37
لحظة وداع الغلا .. في زحمة الصاله=سلم عليّه .. وقال الله يعدلها
اقفى وفي خاطره هرج ٍ.. ولا قاله=حتى ( فمان الله ) ازرى لايكملها
يشّر بيمناه .. مايدري عن الحاله=اللي غشتني .. وانا ازريت اتحملها
كن الشوى مع ضلوع الصدر ترقاله=وانا ابلع الريق ناشف .. لجل انزلها
ودموع عيني على الخدين منهاله=وامشها بالعمامه .. لا يلد الها
اخاف لو شافها.. تّغير احواله=والوم عيني واقول .. الله يفشلها
مابيه يزعل ولا يطري على باله=ولا راح اروح دموع العين واهملها
اقفى وانا اسبره واقف واتشفاله=تنداش الافكار من شي ٍ تخللها
واخذت في ماقفي ساعه وانا داله=عزي لقلبي مـن هموم ٍ يعاملها
من عقب ماراح عني ويش اباحياله=سود الليالي عسى الله لايجملها
ان جيت ابى النوم والا ابغى اتهياله=عيني على النوم ماغيراتحايلها
ترسم على شاشة التفكير تمثاله=وتسهر على صورة الغالي تأملها
لحظه وداع الغلا .. في زحمة الصاله=انام واصحى من النوم اتخيلها
اقفى وفي خاطره هرج ٍ.. ولا قاله=حتى ( فمان الله ) ازرى لايكملها
يشّر بيمناه .. مايدري عن الحاله=اللي غشتني .. وانا ازريت اتحملها
كن الشوى مع ضلوع الصدر ترقاله=وانا ابلع الريق ناشف .. لجل انزلها
ودموع عيني على الخدين منهاله=وامشها بالعمامه .. لا يلد الها
اخاف لو شافها.. تّغير احواله=والوم عيني واقول .. الله يفشلها
مابيه يزعل ولا يطري على باله=ولا راح اروح دموع العين واهملها
اقفى وانا اسبره واقف واتشفاله=تنداش الافكار من شي ٍ تخللها
واخذت في ماقفي ساعه وانا داله=عزي لقلبي مـن هموم ٍ يعاملها
من عقب ماراح عني ويش اباحياله=سود الليالي عسى الله لايجملها
ان جيت ابى النوم والا ابغى اتهياله=عيني على النوم ماغيراتحايلها
ترسم على شاشة التفكير تمثاله=وتسهر على صورة الغالي تأملها
لحظه وداع الغلا .. في زحمة الصاله=انام واصحى من النوم اتخيلها